Gostivar, përgjatë lumit “Vardar” vendosen tela për shpëtim

Gostivar, përgjatë lumit “Vardar” vendosen tela për shpëtim

Përgjatë lumit “Vardar” në Gostivar janë vendosur tela për shpëtim. Kjo vepër fisnike vjen nga Isni Mahmudi nga fshati Tërnovë i cili jeton dhe vepron në SHBA. Vendosja e telave ka ardhur pas ngjarjeve të fundit tragjike që rezultuan me dy persona të mbytur në Vardar. Mahmudi thotë se nisma e tij vjen si një reflektim momenti kundrejt ngjarjeve të fundjavës. Ai mirëpret edhe çdo iniciativ tjetër që mund të ndërmerret në këtë drejtim. Sqaron se paraprakisht për të vendosur këto tela ka marrë lejen e autoriteteve lokale të Gostivarit.

Kjo vepër humane e Mahmudit është mirëpritur nga banorët e Gostivarit. Albert Musli – banor i Gostivarit, thotë se nëse këto tela do të ishin vendosur vetëm një javë më parë, Gostivari sot do të numëronte dy viktima më pak.

Gjithsej janë vendosur gjashtë tela të këtilla duke filluar nga ura e madhe mbi lumin “Vardar” afër Gjykatës Themelore të Gostivarit e deri në fshatin Balindoll. Telat janë të përforcuar në të dyja brigjet e Lumit.

Leave a Reply

Your email address will not be published. Required fields are marked *