Konvikti i nxënësve në Gostivar, Taravari: Investimet e kanë shndërruar ndër më të mirin në rajon
36 dhoma të reja, leximore, banjo, hapësira për rekremim dhe për punë më të mirë për edukatorët dhe nxënësit. Të gjitha këto investime janë bërë brenda periudhës së kaluar te konvikti i nxënësve në Gostivar, të cilat sot janë promovuar nga ana e udhëqësisë së këtij institucioni së bashku me një delegeacion nga Komuna e Gostivarit, drejtuar nga kryetari Arben Taravari. Me këtë rast, kryetari Taravari tha se ky institucion është dëshmia më e mirë se çfarë nënkupton qeverisja ndryshe, ku për rreth 40 vite nuk ka pasur as edhe një investim të vetëm, duke shtuar se ky konvikt sot mund të llogaritet si i vetmi i këtij lloji edhe në rajon.
Drjetoresha e konviktit, Lindihana Sallai Sulejmani pasi falenderoi kryetarin e Komunës së Gostivarit, Arben Taravari dhe ekipin e tij për vizitën dhe mbështetjen e vazhdueshme, tha se gjithçka që është investuar, ka ardhur me menaxhim efikas të mjeteve financiare që ky institucion i posedon sot.
Me investimet e reja, konvikti ka rritur edhe kapacitete nga 200 në 300 nxënës. Ndryshe, për dy vite aty ka pasur investim mbi 100.000 euro.
