Muftinia e Gostivarit dhe TIKA shpërndanë mjete dezinfektimi në Muftini, Medrese dhe në disa xhami të qytetit

Muftinia e Gostivarit dhe TIKA shpërndanë mjete dezinfektimi në Muftini, Medrese dhe në disa xhami të qytetit

Mbrojtja e shëndetit të besimtarëve të rajonit të Gostivarit ka qenë dhe mbetet prioriteti kryesor i Muftinisë së BFI-së në Gostivar. Për këtë arsye, si pjesë e projektit të përbashkët mes Bashkësisë Islame dhe Agjencionit për Bashkëpunim dhe Koordinim të Turqisë (TIKA), Muftinia e Gostivarit sot, më 22 tetor 2020, shpërndau mjete dezinfektimi në selinë e Muftinisë, në Medresenë Isa Beu – paralelja e vajzave në Gostivar dhe në disa xhami të qytetit.

Ky aksion vjen si vazhdimësi e kujdesit që tregon Republika e Turqisë në menaxhimin e suksesshëm të situatës së krijuar nga pandemia e shkaktuar nga virusi Covid-19.

Muftinia e BFI Gostivar i shpreh mirënjohje dhe falënderim Agjencionit për Bashkëpunim dhe Koordinim të Turqisë (TIKA) për ndihmën në menaxhimin e situatës dhe, mbi të gjitha, falënderon Kryetarin e BFI të Maqedonisë së Veriut, Reisu’l Ulema, h. hfz. Shaqir ef. Fetahu për përkushtimin e tij dhe kontributin maksimal për vetëdijesimin e komunitetit mysliman që vepron në Maqedoninë e Veiut në luftën fisnike kundër këtij virusi të rrezikshëm që cenon mirëqenien e botës mbarë.

122246929_4558474724224673_3298336900259920028_o

122264617_4558474694224676_2437289087113996114_o

122270660_4558474690891343_2941810729833954791_o

122317855_4558474727558006_2891174412209909529_o

122443897_4558474524224693_4620177541050702479_o

Leave a Reply

Your email address will not be published. Required fields are marked *