Situatë kaotike në shkollën “11 Tetori” të Komunës Qendër. Dy drejtorë zihen kush është legjitim

Situatë kaotike në shkollën “11 Tetori” të Komunës Qendër. Dy drejtorë zihen kush është legjitim

Dramë në Shkollën Fillore “11 Tetori” që është në kompetencë të Komunës Qendër. Përplasjet mes dy drejtorëve për atë se cili është e cili jo legjitim në këtë institucion arsimor nuk kanë të ndalur. I gjithë ky kaos ka ndodhur në praninë e zyrtarëve policor dhe prindërve të nxënësve të kësaj shkolle. Këta të fundit e akuzuan ish drejtoren Kostadinova për papërgjegjësi, njofton Alsat M.

Drejtori i ri i kësaj shkolle Vasko Llazarevski thotë se pas mbledhjes së këshillit të mësuesve të kësaj shkolle u konfirmua mandati i tij. Sipas tij Kostadinova duhet të kthehet në shkollën amë dhe të vazhdojë në vendin e saj të punës.

Ish drejtoresha Daniella Kostadinova thotë se më 26 tetor nga Komisioni Shtetëror për vendim gjatë procedurave juridike i është thënë se vendimi i kryetarit të Qendrës Andrej Zhernovski për shkarkimin e saj është i paligjshëm. Kostadinova vazhdon të këmbëngulë se akuzat në adresë të saj lidhur me rastin e helmimit të nxënësve rreth 2 muaj më parë janë të pabaza dhe janë pjesë e një skenari të organizuar nga vetë Zhernovski.

Leave a Reply

Your email address will not be published. Required fields are marked *