Studentët serbë kthehen në shtëpi: Përshtypjet më të mira nga Shqipëria

Studentët serbë kthehen në shtëpi: Përshtypjet më të mira nga Shqipëria

Studentët serbë që ishin mysafirë të familjeve dhe bashkëmoshatarëve të tyre shqiptarë në ndeshjen në “Elbasn Arena”, janë kthyer me përshtypjet më të mira nga Shqipëria, duke thënë se do të ngelen miq më mikpritësit dhe do të kthehen sërish.

Falenderime dhe një eksperiencë tjetër nga tensionet e kishte edhe ministri serb i Arsimit, Srdjan Verbiç. “Ne nuk kemi përjetuar tensionet, por një rrëfim krejtësisht tjetër. Jemi pritur shumë mirë dhe pyesni ata si kanë kaluar”, tha ai.

Të rinjtë serbë thanë se lotët dhe kontaktet janë gjëja më e bukur që ngelen nga vizita në Shqipëri.

“Është një përvojë e madhe. Falenderoj ministrin dhe ministren e Shqipërisë, por edhe vet Edi Ramën. Organizimi ka qenë fantastik. Nëse më besoni, në fund kemi qarë dhe na kanë uruar edhe për fitoren”, u shpreh Nikolla Drashkoviç.

“Përshtypjet më të mira. Duhet të mësojmë të jetojmë me fqinjët tanë. Kam ditur fare pak për Shqipërinë dhe tani jam i tërhequr prej saj. I kemi parë të gjitha, Durrësin, Tiranën dhe Elbasanin. Kemi takuar kryeministrin dhe nuk kam asnjë vërejtje”, tha Vuk Llazareviç.

“Përshtypjet i kemi të mira. Askush nuk e dinte për kë bënim tifo, pasi ne ishim edhe me shqiponjat e bardha, por edhe me të zezat dhe ka qenë vërtet bukur”, tha më tej Lidija Mlladenoviç, studente e gjuhës shqipe.

Pas një muri të madh marrëdhëniesh dhe mosbesimi, duket se mosha e re do të flasë më bukur për Shqipërinë.

Leave a Reply

Your email address will not be published. Required fields are marked *