Zgjedhjet 2020, VMRO-DPMNE premton mbajtjen e rinisë në vendlindje

Zgjedhjet 2020, VMRO-DPMNE premton mbajtjen e rinisë në vendlindje

“Rindërtimi i Maqedonisë duhet të fillojë me rininë, duke u siguruar atyre edukim dhe siguri më të mirë në vendlindje”. Kështu tha Dafina Stojanoska, bartësja e listës në Njësinë e Gjashtë Zgjedhore të koalicionit “Rindërtimi i Maqedonisë” udhëhequr nga VMRO-DPMNE, e cila shtoi më tej se tre vitet e kaluara kemi qenë dëshmitar se rinia ka ikur me të madhe nga Republika e Maqedonisë.

“Në listën e atyre të rinjëve që ikën nga Maqedonia, kishte emra të ndryshëm, si: Aleksandar, Adnan, Muharem, Petar. Emrat janë të ndryshëm por një gjë është e përbashkët, e ajo është se rinia nuk dëshiron të jetojë në shtet ku padrejtësia është bërë ligj dhe ku krimi është shndërruar në çelës të suksesit. Prandaj, si prind dhe politikan duhet ti ndalojmë këta të rinjë të qendrojnë në shtet ku do të marrin arsim cilësor përmes së cilës një ditë do të bëhen njerëz kreativ dhe do ta udhëheqin pikërisht ata shtetin e tyre”.

Ajo premtoi se VMRO-DPMNE do ta mbajë rininë në vendlindje, ndërsa nga Maqedonia tha se duhet të ikë qeveria aktuale.

“Prandaj, pikërisht sot nga Gostivari obligohem si bartëse e Listës së VMRO-DPMNE-së dhe Koalicionit për “Rindërtim të Maqedonisë” dhe në emrin e Unionit rinor të VMRO-DPMNE-së, të them se ne do ta mbjamë rininë në Republikën e Maqedonisë. Bëj thirrje që me 15 korrik të dalim masovikisht dhe ta rrethojmë numrin 14. Rinia nuk guxon ta lëshon Maqedoninë dhe të ikin nga ajo, por nga Maqedonia duhet të ikë kjo qeveri”.
Stojanovska sot pati takim me rininë e VMRO-DPMNE-së në Gostivar.

Leave a Reply

Your email address will not be published. Required fields are marked *