Shkup, 10 gusht – Bullgaria ka për obligim t’i respektojë të drejtat e pakicave dhe të sigurojë që askush të mos diskriminohet në bazë të identitetit të tyre të zgjedhur të lirë, kumtuan për “Zërin e Amerikës” nga Zyra për të drejtat e njeriut të Kombeve të Bashkuara në kërkesë për ta komentuar kushtin e Bullgarisë që të përfshihen bullgarët në Kushtetutën e Maqedonisë së Veriut, ndërsa kundër saj ekzistojnë 14 aktgjykime të Gjykatës në Strasburg për shkeljen e të drejtave të pakicës maqedonase në territorin e saj.
Zyra për të drejtat e njeriut e KB-së e theksoi raportin që një ekspert i pavarur i KB-së për çështjet e pakicave e prezantoi para Këshillit për të drejtat e njeriut në korrik të vitit 2011, sipas të cilit Qeveria e Bullgarisë i kërkohet të mbrojë lirinë e shprehjes dhe shoqërimin e anëtarëve të pakicave maqedonase..
“Raporti i bën thirrje qeverisë bullgare të sigurojë dhe mbrojë të drejtat e garantuara në dispozitat kushtetuese të vendit për respektimin e të drejtës për vetëvendosje etnike, duke përfshirë të drejtat për lirinë e shprehjes dhe lirinë e asociimit të pjesëtarëve të pakicës maqedonase. Raporti thekson gjithashtu se politikat në lidhje me njohjen dhe të drejtat e grupeve minoritare duhet të vlerësohen kundrejt detyrimeve të shtetit sipas ligjit ndërkombëtar të të drejtave të njeriut”, thotë Zyra për të drejtat e njeriut të KB-së.
Ky raport theksohet se Qeveria e Bullgarisë “mohon ekzistencën e pakicës etnike maqedonase”, duke pretenduar se pjesëtarët e këtij komuniteti janë në fakt bullgarë etnikë.
Në të thuhet edhe se “gjuha maqedonase nuk njihet, as nuk mësohet në shkolla dhe maqedonasit nuk janë të përfaqësuar në Këshillin kombëtar për bashkëpunim për çështjet etnike dhe integruese”.
Zyra e KB-së për të drejtat e njeriut thotë se të drejtat e pakicave mbrohen nga traktate të ndryshme të të drejtave të njeriut, duke përfshirë Paktin ndërkombëtar për të drejtat qytetare dhe politike dhe konventën ndërkombëtare për eliminimin e të gjitha formave të diskriminimit racor, dhe si nënshkruese e të dy traktateve, Bullgaria ka detyrimin për të respektuar detyrimet që rrjedhin prej tyre.
“Ligji kombëtar duhet t’i njohë të drejtat e pakicave dhe të sigurojë që asnjë individ apo grup të mos pësojë disavantazh apo trajtim diskriminues në bazë të identitetit të tyre të zgjedhur lirisht si përkatësi (ose jo) ndaj një grupi etnik, fetar, gjuhësor apo ndonjë grupi tjetër”, thuhet në përgjigje.
Nga Zyra theksojnë se përmbushja e detyrimeve të tilla nga ana e Bullgarisë e monitorojnë Komiteti për të drejtat e njeriut dhe Komiteti për eliminimin e diskriminimit racor.
“Maqedonia e Veriut, në përputhje me Protokollin e dytë dypalësh për përmbushjen e Traktatit të Fqinjësisë së Mirë dhe Miqësisë nga viti 2017, të cilin e nënshkroi me Bullgarinë, mori përsipër të marrë masa për të siguruar qasje efektive në të drejta të barabarta, mbrojtjen nga diskriminimi dhe mbrojtjen e kulturën dhe identitetin e komunitetit bullgar në vend. Shteti do të duhet të përfshijë bullgarët në Kushtetutë për të nisur zyrtarisht negociatat me BE-në. Nga ana tjetër, Bullgaria thotë se në territorin e saj nuk ka pakicë maqedonase dhe me një deklaratë të veçantë në BE, thekson se nuk e njeh gjuhën maqedonase”, përkujton “Zëri i Amerikës”.
Raporti shkruan edhe se “Organizata e bashkuar maqedonase -Ilinden theksoi taste në Bllagpoevgrad, në të cilat sportelet kombëtare të regjistrimit u kanë thënë individëve që i kanë vizituar se “maqedonas” nuk është opsion qasës për identifikimin etnik”.
