Nuk ka zjarre aktive në vend, ndërsa 12 janë shuar në 24 orët e fundit, njoftoi Qendra për menaxhim me kriza (QMK).
Dy zjarre janë shuar në Komunën e Butelit dhe një në komunën e Gazi Babës. Dhjetë zjarrfikës me tre automjete zjarrfikëse mbrëmë nga ora 18:05 deri në orën 21:00 e kanë shuar zjarrin në bulevardin “Hristijan Todorovski – Karposh” – Vreshtat e Rashtakut, ku digjej bar i thatë.
Pesë zjarrfikës me një automjet zjarrfikëse mbrëmë nga ora 19:20 deri në orën 19:40 e kanë shuar zjarrin në
Komunën e Butelit, në rrugën “Ferid Bajram”, ku digjej bari i thatë.
Është shuar edhe zjarri në afërsi të autostradës Shkup-Veles, ku digjej bar i thatë dhe pemë. Në këtë lokacion nga ora 21:50 deri në orën 22:50 kanë ndërhyrë tre zjarrfikës me një automjet zjarrfikëse.
QMK sot në mëngjes ka bërë të ditur se janë shuar zjarret në komunat Gradsko, Resnjë, Manastir, Prilep, Ohër, Tetovë dhe dy zjarre në Kumanovë.
Në Komunën Gradsko, në fshatin Nogaevci, digjej bimësi të ulët, frashër, akacie dhe aspen. Zjarri është shuar nga pesë zjarrfikës me një automjet zjarrfikëse, në periudhën nga ora 14:00 deri në 18:15.
Në fshatin Kurbinovë të Resnjës digjej bimësi e ulët dhe pemishte me mollë. Kanë intervenuar 15 zjarrfikës nga SHZ Resnjë me pesë automjete zjarrfikëse, një automjet transportues uji nga një ndërmarrje komunale, një automjet dhe tetë punonjës nga Pyjet kombëtare, një automjet dhe katër roje nga Shërbimi renxher, një automjet dhe dy punonjës nga Parku kombëtar – Pelister, një veturë dhe një punonjës nga Komuna e Resnjës dhe popullata lokale. Është intervenuar mbrëmë, nga ora 20:45 deri në 00:45. Bëhet fjalë për një sipërfaqe prej dhjetë hektarësh.
Është shuar zjarri në Manastir, afër mullirit të vjetër në rrugën Manastir – Prilep, ku digjej kashtë. Zjarri është shuar nga dy zjarrfikës me një mjet zjarrfikësi.
QMK njofton se janë shuar zjarret në fshatin Agllar i epërm, Komuna e Novacit, në fshatin Varosh të Komunës së Prilepit dhe në fshatin Peshtani të Komunës së Ohrit.
Është shuar Zjarri në Tetovë, afër fshatrave Bellovishte në drejtim të Kunovës, ku digjej bar i thatë. Kanë ndërhyrë tre zjarrfikës me një automjet zjarrfikëse dhe katër punonjës nga Pyjet kombëtare – Sharri.
Në afërsi të autostradës Shkup – Kumanovë digjej bimësi e ulët, ndërsa nga ora 19:20 deri në ora 20:25 kanë intervenuar tre zjarrfikës me një automjet zjarrfikëse.
Është shuar edhe zjarri në Kumanovë, afër rrugës Pçinski, ku digjej bar i thatë. Nga ora 14:10 deri në orën 16:00 kanë ndërhyrë tre zjarrfikës me një automjet zjarrfikëse.
