Pas dy vitesh pauzë mbahet organizimi “Parada e Maturantëve” në Shkup

Pas një pauze dy vjeçare për shkak të pandemisë Covid-19, sot në mesditë në sheshin “Maqedonia” në Shkup do të mbahet “Parada e Maturës”.

Në paradë do të marrin pjesë të diplomuarit nga shkollat e mesme të Shkupit dhe jo vetëm.

Organizator kryesor i evenimentit “Parada e Maturantëve” është Drejtoria për Kulturë dhe Art e qytetit të Shkupit, në bashkëpunim me Klubin e  vallëzimit “Rhythm Plus”.

Përveç maturantëve të Shkupit, këtë vit në “Paradën e Maturantëve” do të marrin pjesë edhe bashkëmoshatarët e tyre nga shetetet si: Sllovenia, Sllovakia, Hungaria, Serbia dhe Mali i Zi.

Në vitet e fundit traditë e këtij evenimenti është që të vallëzohet me një koreografi të sinkronizuar me të gjithë maturantët nga shumë vende të botës.

Numri total i pjesëmarrësve në “Paradën e Maturantëve” nga të gjitha shtetet pjesëmarrëse, viteve të fundit ka kaluar numrin prej 500 mijë maturantësh.