Në Shqipëri ka pasur momente tensioni në dyert e SPAK-ut. Mbështetësit e Sali Berishës, të cilët u mblodhën para godinës së Prokurorisë së Posaçme teksa kryetari i PD-së po shkonte për t’u njohur zyrtarisht me akuzën që rëndon ndaj tij, janë konfrontuar me efektivët e policisë. Disa persona u shoqëruan nga policia. Të pranishëm në protestën e paralajmëruar ishin edhe deputetë dhe funksionarë të lartë të Partisë Demokratike. Pasi mbërriti në SPAK, Berisha deklaroi se arrestimi i tij ishte bërë me urdhër politik dhe se akuza nuk kishte asnjë fakt kundër tij. Më 21 tetor të vitit të kaluar, ndaj Sali Berishës dhe dhëndrit të tij u dhanë masa sigurie, pasi dyshoheshin për “korrupsion” gjatë privatizimit të ish-kompleksit sportiv “Partizani”. /Alsat.mk
