Një tërmet i madh me manjitudë 6.7 është regjistruar afër Zelandës së Re dhe Australisë, duke ndezur frikën e një tsunami. Lëkundja e frikshme e tokës ndodhi në rajonin e ishujve Macquarie në jug të Oqeanit paqësor. Sipas institutit amerikan gjeologjik, tërmeti, për të cilin u tha fillimisht se ishte i manjitudës 7.3, u regjistrua në një thellësi prej 10 km. Tërmeti fillimisht ndezi frikën për tsunami, por sistemi paralajmërues amerikan tha se nuk kishte një rrezik të tillë. Kjo vjen ndërsa Uellingtoni në zelandën e re u prek gjatë fundjavës së shkuar nga një tërmet me manjitudë 4.7. Zona është relativisht e ekspozuar ndaj tërmeteve apo vullkaneve. Ngjarja më e fundit e rëndë në Zelandën e re i takon 2019-ës, kur një shpërthim i frikshëm vullkanik i mori jetën gjashtë personave. Një shpërthim i madh në Ishullin Uajt, bëri që të ngriheshin re të stërmëdha tymi dhe hiri në zonë duke shkaktuar jo pak probleme.
