Një aksident i rëndë hekurudhor është regjistruar mbrëmjen e kaluar në Serbi ku janë përfshirë dy trena.
Ngjarja ka ndodhur në Ratkovë pranë zonës së Oxhacit, ku dy trena, njëri me pasagjerë dhe tjetri mallrash u përplasën kokë më kokë, dukë lënë të plagosur mbi 20 persona.
Të plagosurit u dërguan me urgjentë në spital për të marrë ndihmën mjekësore, teksa u pezullua transporti hekurudhor që kalonte në këtë linjë.
Shkaqet e aksidentit hekurudhor janë ende të paqarta ndërkohë që autoritetet kanë nisur një hetim për zbardhjen e përgjegjësive.
