Organizuar nga Ministria Federale e Punëve të Jashtme, dita e fundit e Konferencës Globale për Ndërtimin e Kapaciteteve Kibernetike e cila u mbajt në Akra-Ganë, u mbajt një panel diskutimi “Të mos mbetet asnjë vend pas – Ballafaqimi i asimetrive dhe politikave në ndërtimin e kapaciteteve-kibernetik”, ku mori pjesë zëvendëskryeministri përgjegjës për politika të qeverisjes së mirë në RMV, Sllavica Grkovska.
“Në botën e sotme të ndërlidhur, është thelbësore të sigurohet që asnjë vend të mos mbetet prapa kur bëhet fjalë për adresimin e nevojave që dalin nga zhvillimi teknologjik. Kjo nënkupton ofrimin e mbështetjes dhe burimeve të nevojshme për të kapërcyer pabarazitë ndërmjet vendeve dhe për t’u përballur me sfidat financiare dhe politike që dalin gjatë ndërtimit të kapaciteteve kibernetike”, theksoi Grkovska.
Ajo shtoi se ndihma nga vendet e zhvilluara partnere në procesin e transformimit digjital është e jashtëzakonisht e rëndësishme për vendet që kanë burime të kufizuara dhe sfida të shumta politike dhe socio-ekonomike.
Në këtë drejtim, ajo theksoi se ndihma e donatorëve, veçanërisht për vendet e vogla, si Maqedonia e Veriut, duhet të jetë e koordinuar në mënyrë që të mos ketë mbivendosje të projekteve, por gjithashtu duhet pasur kujdes që përmes kësaj mbështetjeje të arrihen ndryshime të qëndrueshme dhe afatgjata./Telegrafi/
