Përveç parave të mëdha, siç shkruan “AS”, janë edhe dy strategji me të cilat duan të bindin sulmuesin 25-vjeçar që të qëndrojë në Paris. Njëra është Lojërat Olimpike në Paris dhe tjetra është mundësia për t’u bërë golashënuesi më i mirë i kampionatit francez të të gjitha kohërave.
Me golin që shënoi ndaj Le Havre, Mbape arriti në 179 gola në Ligue 1, në 230 ndeshje të luajtura. Ai shënoi 16 për Monakon, dhe pjesën tjetër në 189 ndeshje për PSZH. Mbajtësi i rekordeve është Delio Onis, i cili shënoi 299 gola në 449 ndeshje midis viteve 1971 dhe 1986.
Fakti që Mbape ka lindur në Paris dhe është rritur në “Bondy” aty pranë dhe që Lojërat Olimpike do të zhvillohen në Paris vitin e ardhshëm, janë asete të tjera në të cilat PSZH po mbështet. Mbappe kështu mund të performojë në shtëpi si një nga tre lojtarët mbi 23 vjeç.
Muajin e kaluar, Mbape tha se do të respektonte vendimin e klubit, i cili shqetësohet për paraqitjen e tij të mundshme në Lojëra, por PSZH është gati ta lejojë atë. Vendimi i francezit pritet në fillim të vitit të ardhshëm.
