Ambasadori i Gjermanisë në Prishtinë, Jorn Rohde, duke folur për Asociacionin e komunave me shumicë serbe, tha se Kosova ka marrë një obligim ndërkombëtar dhe se duhet ta zbatojë. Ai mendon se drafti i propozuar është në përputhje të plotë me Kushtetutën e Kosovës. Procesi i cili është shtyrë përpara sidomos nga Gjermania, veçanërisht në propozimin për njohjen de facto dhe de jure ka të bëjë me atë se çka mund të arrijmë. Unë jam ambasadori i Gjermanisë në Kosovë, jo në Serbi. Andaj unë përqendrohem në atë që Kosova duhet të bëjë. Kosova ka një përgjegjësi në këtë proces, e cila është implementimi i Asociacionit të Komunave me Shumicë Serbe i cili është një obligim afatgjatë i Kosovës. Kështu që ne presim nga Kosova të jetë e sigurt në vete, ju e keni mbështetjen tonë dhe unë jam 100 % i sigurt se ne nuk kemi propozuar asgjë që bie në kontradiktë me Kushtetutën e Kosovës”, ka thënë Rohde për mediet.
