MEMO, MEPSO dhe Elektrodistributori kanë paraqitur kërkesa për çmimin e ri të energjisë elektrike pas Vitit të Ri. Siç informon drejtori i KRRE-së, Marko Bislimoski, nëse pranohen kërkesat e të gjithëve, faturat e energjisë elektrike do të rriteshin për 27%, përcjell Telegrafi Maqedoni.
Tashmë Rregullatori është duke i analizuar kërkesat dhe presin që në fund të javës së ardhshme t’i sjellin çmimet për MEPSO për transmision, për MEMO për organizimin e tregut dhe për Elektrodistributorin për shpërndarjen e energjisë tek konsumatorët.
EMV ka ofruar 57 euro në vend të 53 euro për megavat orë dhe në vend që të sigurojë 100% të totalit të konsumatorëve, do të sigurohet 95%.
“Sipas ndryshimeve në Ligjin për Energjinë, furnizuesi universal do të bëjë llogaritjet dhe do t’i dorëzojë për kontroll në KRRE. Në atë kontroll ne kemi të drejtë të marrim vendim të veçantë me vëzhgime të përcaktuara saktë. Do të jemi sa më transparent për çdo vendim që do të marrim”, tha Bislimoski në konferencën e sotme për media.
