Inteligjenca Artificiale krijon mundësi inovacion në fusha të ndryshme, megjithatë, ky përparim i shpejtë i teknologjisë ngre shqetësimin se si të mbrohen të drejtat themelore të njeriut. Arritja e ekuilibrit mes inovacionit dhe llogaridhënies është thelbësore për të siguruar një peizazh digjital që përfshin adresimin e çështjeve të tilla si privatësia, paragjykimi, diskriminimi dhe përdorimi etik i AI-së për të mbrojtur të drejtat e njeriut.
Këtë mes tjerash e tha Milla Josifovska Danillovska, menaxhere programi në Fondacionin Metamorfozis, në hapjen e konferencës së 19-të ndërkombëtare “E-Shoqëri.mk”, e cila këtë vit i është kushtuar “Inteligjencës Artificiale dhe të Drejtave të Njeriut: Gjetja e ekuilibrit të duhur midis inovacionit dhe përgjegjësisë”.
“Ndërsa AI vazhdon të formësojë botën tonë, nevoja për të mbrojtur të drejtat e njeriut pa mbytur përparimin teknologjik bëhet sfida më e madhe në shoqërinë tonë. Kjo është arsyeja pse, Metamorphosis po formon një Koalicion AI të organizatave qytetare, akademisë, bizneseve dhe aktivistëve me mendje të njëjtë, të cilët ndajnë shqetësime të përbashkëta për mbrojtjen e lirive të internetit dhe të drejtave digjiitale të njeriut. Dhe pikërisht kjo është arsyeja pse ne e formësuam edicionin e këtij viti të e-Shoqëri në një mënyrë për të eksploruar AI si një mundësi për të përmirësuar jetën e qytetarëve, por edhe si një kërcënim potencial për të drejtat e njeriut dhe demokracinë, të cilat do t’i trajtojmë përmes mënyrave të ndryshme aspektet, ndër të cilat janë epoka digjitale për qytetarët, rëndësia që qëndron pas përfshirjes së etikës në hartimin e zgjidhjeve teknologjike gjithëpërfshirëse dhe jo-invazive, përdorimi i përgjegjshëm i AI-së dhe vështrimi i dezinformimit në internet si një kërcënim për integritetin e zgjedhjeve”, tha Josifovska Danillovska.
Driton Dauti, shef i Kabinetit të Ministrisë së Shoqërisë Informatike, theksoi se bashkë me teknologjitë, inovacionin, etikën edukimin, shteti e sidomos ministria duhet te krijojë ligje dhe rregullore që këto t’i ngërthejë në një se përndryshe nëse njëra nga ato mungon ne nuk do të kemi ekosistem inovativ dhe kjo mund të shkaktojë më shumë dëme se sa te japë rezultate.
“Si ministri, ne jemi vigjilent dhe e dimë ndikimin thelbësor të IA në shoqëri e sidomos në të drejtat e njeriut. Për këtë arsye përqendrimi ynë qëndron në nxitjen e një ekosistemi inovativ që jo vetëm është në linjë me standardet botërore, por gjithashtu ka në qendër përveç teknologjisë edhe inkluzivitetitn dhe mbrojtjen e parimeve etike themelore. Për këtë arsye MSHIA dhe grupet punuese bashkë me ekspert nga vendi e nga jashtë punojnë në krijimin e një strategjie dhe plani aksional për implementimin e IA në administratë”, tha Dauti.
Për këtë, ai shtoi se janë definuar katër shtylla prioritare për strategjinë e IA në administratën shtetërore.
Së pari, do të analizojmë infrastrukturën teknologjike në nivel të institucioneve shtetërore me çka do të dalim me plan për investim, duke siguruar që IA përputhet me standardet si teknike ashtu edhe etike. Së dyti, duke marrë parasysh praktikat më të mira evropiane dhe strategjitë e disa shteteve për të implementuar IA në vendet e tyre do të jemi të sigurt qe edhe ne si shtet do të krijojmë ligje dhe standarde për implemetimin e IA në përputhshmëri me nevojat dhe vlerat botërore. Së treti, si një ministri e përgjegjshme, kërkojmë transparencë në zhvillimin e IA, duke lejuar qytetarët bizneset dhe OJQ të jenë pjesë e këtyre proceseve të rëndësishme dhe të besojnë në teknologjitë dhe format e implementimit. E fundit trajnimet joformael janë kyçe për shfrytëzimin e IA në administratën shtetërore dhe për këtë krijojmë akademinë për trajnime në administratën shtetërore”, shtoi Dauti.
Konferenca “e-Shoqëri.mk” organizohet nga Fondacioni për Internet dhe Shoqëri – Metamorfozis, mbështetur nga Ministria e Punëve të Jashtme të Mbretërisë së Holandës, Qendra e Gjenevës për Menaxhimin e Sektorit të Sigurisë (DCAF) dhe Ministria e Punëve të Jashtme, Komonuelthit dhe Zhvillimit e Mbretërisë së Bashkuar.
Konferenca do të mbahet në format hibrid, gjegjësisht pjesëmarrësit mund ta ndjekin me prani fizike, online përmes platformës ZOOM dhe përmes Facebook Live në faqen e Fondacionit Metamorfozis në Facebook.
Përkujtojmë që edicioni i 19-të i konferencës ndërkombëtare “E-shoqëri.mk” nga Fondacioni Metamorfozis filloi mbrëmë me “Cyber Shake” diskutimin për të rinjtë “Pse të mësoj kur ka inteligjencë artificiale?”Cyber Shake” diskutimin për të rinjtë “Pse të mësoj kur ka inteligjencë artificiale?”.
Folësit, në panel diskutimi me temë “Pse të mësoj kur ka inteligjencë artificiale?” theksuan se studentët mund ta përdorin Inteligjencën Artificiale (IA) si vegël shtesë për studimet e tyre, por nuk duhet të mbështeten plotësisht në programe të tilla, pasi që para se gjithash ata duhet të mësojnë atë të cilën IA-ja e ofron të gatshme.
