Mes lotësh, Dybala i thotë lamtumirë Juventusit

Paulo Dybala shpërtheu në lot teksa i tha lamtumirë Juventusit pas ndeshjes së tij të fundit në Torino.

Sulmuesi luajti 78 minuta në barazimin 2-2 të Juventusit me Lazion në atë që do të jetë ndeshja e tij e fundit në Allianz Stadium, pasi njoftoi të hënën se do të largohet nga Juventus në fund të sezonit.

Krahas Giorgio Chiellini-t, Dybala u nderua pas ndeshjes dhe sulmuesi 28-vjeçar nuk mundi të mbante emocionet e tij teksa u festua nga tifozët.

Karriera e Dybala në Juventus

Dybala do të largohet nga Juve këtë verë, pasi ka luajtur 291 ndeshje dhe ka shënuar 115 gola.

Ai fitoi pesë tituj të Serie A dhe katër trofe të Kupës së Italisë gjatë kohës së tij në Juventus, ndërsa luajti për ekipin që arriti në finalen e Ligës së Kampionëve 2016-1