Nga 1 janari do të shtrenjtohet parkimi në Aeroportin Ndërkombëtar të Shkupit. Siç informon koncesionari “TAV Maqedoni”, të njëjtat çmime prej 100 denarë mbeten për një orë, 150 denarë për dy orë dhe 200 denarë për tre orë mbeten të njëjta, transmeton Portalb.mk.
Parkimi në aeroport për më shumë se tre orë do të rritet për 50 denarë, gjegjësisht nga 250 në 300 denarë, 4-6 orë do të jetë 400 denarë, 6-8 orë 500 denarë dhe 1000 në vend të 850 denarë për 8-24 orë.
Për 1.000 denarë është shtrenjtuar parkimi për disa ditë, kështu që për tre deri në pesë ditë parkimi do të kushtojë 3.500 denarë, nga pesë deri në shtatë ditë 4.500 denarë, ndërsa për çdo ditë të ardhshme do të paguani 400 denarë.
Para ndërtesës së terminalit ka ende parkim falas prej 10 minutash, ku është e mundur ndalesë e shkurtër për dërgimin dhe pritjen e pasagjerëve. Nëse automjeti mbahet më shumë se 10 minuta paguhet biletë prej 500 denarë.
Në Aeroportin Ndërkombëtar të Shkupit ka 1200 vendparkime të caktuara për vetura dhe 6 vende të caktuara për autobus. Pagesa për shërbimet e parkimit bëhet përmes makinerive automatike.
