Në Dhomat e Specializuara të Kosovës (DhSK) në Hagë ka filluar dëshminë dëshmitari i 42-të i Zyrës së Prokurorit të Specializuar (ZPS), cili mban kodin W02082 në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.
Sipas përmbledhjes së lexuar nga përfaqësuesja e ZPS-së, Jasmine Shahabbudin, pretendohet se dëshmitari është rrëmbyer nga pjesëtarë të Ushtrisë Çlirimtare të Kosovës si dhe është rrahur mizorisht, raporton “Betimi për Drejtësi”.
Atletico Madridi i gatshëm ta shesë, plani i Man United për transferimin e OblakIsh-ministri Haraqija dhe djali i presidentit Rugova, festojnë me Ali AhmetinVrasja e ushtarëve amerikanë në Lindjen e Mesme – pyetja kryesore është si do të …Sharon Stone flet për njohjet përmes aplikacioneve: Isha në një takim me një të varur n…Netanyahu kritikon familjet e pengjeve: Me protesta po e ndihmoni Hamasin
“Në qershor të 1999, dëshmitari 02082 u rrëmbye nga anëtarë të UÇK-së që dukej se e njihnin identitetin e personit. Atë e dërguan anëtaret e UÇK-së në një vendodhje që përdorej nga UÇK-ja në Prizren ku pa edhe anëtarë të tjerë të UÇK-së jashtë. Gjatë ndalimit ë atë vend, e morën në pyetje, e kërcënuan dhe e rrahën mizorisht anëtarë të ndryshëm të UÇK-së me orë të tëra”, tha prokurorja.
Ajo tha se pjesëtarët e UÇK-së përpara se ta lironin dëshmitarin i kanë thënë që të mos i tregonte askujt për faktin se e kanë mbajtur të ndaluar.
“Dëshmitari me numrin 02082 pa edhe të ndaluar të tjerë që kishin gjak dhe ishin rrahur. Përpara se ta lironin, ushtarët e UÇK-së i thanë dëshmitarit 02082 të mos i tregonte askujt për faktin që e kishin mbajtur të ndalum. Edhe sot e kësaj dite ka probleme shëndetësore për shkak të lëndimeve që i shkaktuan”, tha prokurorja.
Pas kësaj, prokurorja kërkoi që të kalohet në sesion privat në mënyrë që të ruhet identiteti i dëshmitarit gjatë marrjes në pyetje pasi ai është me masa mbrojtëse.
Në fillim të seancës prokurorja tha se asaj nuk i ka shkuar ektekspertiza e psikologut për këtë dëshmitarë si dhe ka njoftuar se transkriptet dhe dokumentet që do i prezantohen duhet të iu lexohen nga dikush për shkak që sipas saj ai ka probleme me shikimin.
Deklaratat e këtij dëshmitari të dhëna më herët për ZPS-në së bashku me materialet përcjellëse u pranuan dhe morën numrat e provave materiale në këtë cështje gjyqësore.
Sipas kryetarit të trupit gjykues Charles Smith III dëshmia e këtij dëshmitari do të zgjasë rreth 5 orë.
Sipas tij, ZPS-ja ka paraparë 1 orë, mbrojtja e viktimave 15 minuta ndërsa ekipet e mbrojtjes së të akuzuarve kanë paraparë rreth 4 orë për marrjen në pyetje të këtij dëshmitari.
