Kryeprokurori i Gjykatës Ndërkombëtare Penale-GJNP ka thënë se ka kërkuar lëshimin e fletarrestimeve për kryeministrin e Izraelit, Benjamin Netanjahu, si dhe për liderët kryesorë të Hamasit, grupit të shpallur terrorist nga Shtetet e Bashkuara dhe Bashkimi Evropian. Khan tha se beson se Netanyahu, ministri izraelit i Mbrojtjes, Gallant, dhe tre liderë të Hamasit, janë përgjegjës për krime lufte dhe për krime kundër njerëzimit në Rripin e Gazës dhe në Izrael, së paku nga 7 tetori 2023. Sipas kryeprokurorit akuzat ndaj liderërve të Hamasit kanë të bëjnë me dëbim, vrasje, peng-marrje dhe sulme seksuale në paraburgim. Ndërkohë Netanjahu dhe Gallant akuzohen për dëbim dhe sulme të qëllimshme ndaj civilëve. Kan tha se ndikimet e përdorimit të urisë si mjet lufte, së bashku me sulmet e tjera dhe ndëshkimi kolektiv i popullsisë civile në Gazë, janë të dukshme. Ato përfshijnë kequshqyerjen, dehidrimin, vuajtjen e skajshme dhe numrin e madh të vdekjeve në mesin e popullsisë palestineze, përfshirë të foshnjave, fëmijëve të tjerë dhe grave. GJNP, me bazë në Hagë, është duke i hetuar veprimet e Izraelit në territoret e uzurpuara në tre vjetët e fundit, si së fundmi edhe veprimet e Hamasit.
