Sulmet izraelite në Rafah kanë vrarë të paktën 16 palestinezë, ndërsa banorët raportuan një përshkallëzim të luftimeve në qytetin jugor të Gazës.
Sulmet gjatë natës vranë gjithsej 16 persona në lagjen Tel al-Sultan në veriperëndim të Rafahut, sipas Mbrojtjes Civile Palestineze dhe Gjysmëhënës së Kuqe Palestineze.
“Ishte një natë tmerri,” tha Abdel-Rahman Abu Ismail, një palestinez, i cili është strehuar në Tel al-Sultan që nga dhjetori.
Ai tha se dëgjoi shpërthime gjatë natës dhe mëngjesin e së martës, me avionë luftarakë dhe dronë që fluturonin mbi zonë.
Sayed al-Masri, një banor i Rafah, tha se shumë familje janë detyruar të largohen nga shtëpitë dhe strehimoret e tyre.
“Situata po përkeqësohet” në Rafah, tha al-Masri.
Sulmet e fundit ndodhën në të njëjtën zonë ku Izraeli shënjestroi atë që tha se ishte një kompleks i Hamasit të dielën mbrëma. Izraeli tha se po kryen operacione të kufizuara në Rafah lindor përgjatë kufirit Gaza-Egjipt.
Por banorët raportuan bombardime të rënda gjatë natës edhe në pjesët perëndimore të Rafah.
