Një ditë para skadimit të afatit, presidentja e shtetit, Gordana Siljanovska Davkova, pritet t’ia ndajë mandatin për formimin e qeverisë së re kryetarit të VMRO-DPMNE-së, Hristijan Mickoski. Nga VMRO-DPMNE thonë se qeveria do të formohet sipas afateve kushtetuese, ndërsa presin që koalicioni “VLEN” me të cilin po negocion VMRO-DPMNE, të ketë marrëveshje përfundimtare për tre deri në katër ditë.
Afati për dorëzimin e mandatit përfundon të premten, më 7 qershor, kur edhe nis afati njëzet ditësh për formimin e qeverisë.
