Napoli duket se i ka dhënë më në fund zgjidhje çështjes “Osimhen”, edhe pse ndoshta jo fiks ashtu siç dëshironte Aurelio De Laurentis.
Eksperti i merkatos dhe gazetari i “The Athletic”, David Ornstein bën me dije se sulmuesi nigerian do të huazohet te Chelsea për një vit, me opsionin e blerjes në 2025-ën.
“Blutë” ishin prej kohësh të interesuar për shërbimet e 25-vjeçarit, por nuk kishin ndërmend të paguanin klauzolën që Napoli kishte vendosur për të.
Kështu De Laurentis duket se tashmë është “dorëzuar” dhe në mënyrë për të marrë Romelu Lukakun, i cili është dëshira më e madhe e trajnerit Conte, ka rënë dakord që ta shkëmbejë me Osimhenin.
Kështu, sulmuesi belg do të huazohet te Napoli për këtë sezon, ndërsa nigeriani do të huazohet te Chelsea.
