Kryeparlamentari Afrim Gashi nuk mund ta thërrasë Komisionin për punë sociale që të diskutojë për ligjin e branitelave, pasi seanca ku duhej të shqyrtohej ky ligj tashmë është thirrur, por kryetarja e komisionit amë nuk e ka vendosur në rend dite, shkruan Alsat.
I pyetur nëse me këtë veprim kryetarja e komisionit për politikë sociale, demografi dhe të rinj, Ilire Dauti, po e shkel rregulloren, Gashi tha se nuk mund të bëjë gjykim të tillë.
“Unë jam kryetar i Kuvendit i cili e implementon rregulloren por jo i cili gjykon, nuk jam këtu për të gjykuar kush e then rregulloren, apo jo, nuk është e drejta ime. Është çështje e interpretimit nga palët, në aspektin politik, juridik, të ekspertëve, mbetet çështje e interpretueshme dhe e vlerësimit të palëve të ndryshme të interesuara për këtë çështje. Sa i përket asaj se unë mendoj që është çështje e absorbuar dhe do të duhet të shohim në të ardhmen nëse kemi problem me rregulloren, atëherë komisioni për mandate dhe rregullore duhet t’i shqyrtoj nenet e rregullores që janë në kolizion njëra me tjetrën”, tha Afrim Gashi, Kryetar i Parlamentit.
Ndërkaq deputetja Ilire Dauti, zbuloi për Alsat se deri tek ajo ka mbërritur nisma e 1/3 së përbërjes së Komisionit për Politikë sociale, të cilën e udhëheq ajo, me kërkesë që të thërrasë seancë për “branitellat”.
Dauti tha se nuk lëkundet nga qëndrimi i saj, pra nuk do ta vendos në rend dite këtë pikë, për aq kohë sa në këtë ligj nuk përfshihen edhe ish ushtarët e UÇK-së.
Pavarësisht thirrjes së VMRO-së për shkarkimin e saj ose interpelancë, Dauti nuk mendon se kolegët e saj do të denjonin ta bënin një gjë të tillë.
“Qëndrimi jonë është shumë i qartë. Ligje të tilla nuk mund të trajtohen në komisione i cili është i formuar për çështje tjera, për t’i trajtuar të gjithë qytetarët në rend të parë në mënyrë të barabartë. Prandaj mbetem në qëndrimin tim, as ma lëkundin aspak, fletushkat e këtilla siç edhe dje kanë dërguar një dokument deputetët e VMRO-së, që janë bërë një e treta e anëtarëve të Komisionit dhe kanë adresuar tek unë, kërkesën për ta thirrur komisionin me këtë pikë të rendit të ditës. Ashtu siç e bëri edhe para disa kohësh edhe kryetari i Kuvendit Afrim Gashi, i cili kërkoi nga unë që ta thirr komisionin”, u shpreh Ilire Dauti, deputete e Frontit Europian.
Zëvendëskryeministri i parë i Qeverisë, Izet Mexhiti, thotë se as LSDM-së dhe as BDI-së nuk u interesojnë branitelat dhe as UÇK-ja, por si të shpëtojnë nga përgjegjësitë.
SINKRON: Izet Mexhiti, Zv kryeministër i parë
“09:37 “ …është një propozim i LSDM-së dhe BDI-së dhe ju siguroj se ky ligj nuk kalon. Në kohën e BDI-së disa herë ka kalu ligji i branitellave, ata edhe sot kanë status social, dallim prej ushtarëve të UÇK-së, kanë privilegje në shtet për hir të politikave të BDI-së dhe partnerëve të tyre në të kaluarën, Pra është një iniciativë e tyre dhe tani është në komision ku sërish është bllokuar dhe do mbetet I bllokuar. Kështuqë nuk ka hapësirë për të bisdu pasojat e këtij ligji, kur ky ligj pra nuk kalon.”
Seanca e komisioni për çështje të rregullores imunitetit dhe mandatit do të thirret, por kryeparlamentari Afrim Gashi nuk e precizoi nëse do të veprohet në bazë të kërkesës së LSDM-së që të konstatohet përgjegjësia e tij e mundshme. Ai tha se mund të përfshihet edhe mendimi I opinionit dhe ekspertëve me qëllim që të miratohen konkluzione më cilësore.
