Kreshnik Bekteshi nga BDI në një dalje për media tha se koalicioni VLEN i shërben verbërisht industrisë së bixhozit. Bekteshi mes tjerash tha se Taravari dhe Mexhiti janë në shërbim të plotë të monopolit.
“Qeveria dhe Kuvendi monoetnik, vendosën në mënyrë arbitrare që askush, asnjë kompani nuk ka pasur të drejtë të organizojë internet lojëra të fatit që nga 1 janari i vitit 2017. Ky interpretim autentik, nga gushti i vitit 2024 njoftoi se kazinoja e preferuar serbo-bullgare e Izet Mexhitit ka organizuar në mënyrë tërësisht të paligjshme lojëra të fatit online përmes platformës së tyre të internetit 2win”, tha Kreshnik Bekteshi nga BDI.
