ISHTE një plan ambicioz dhe ministri gjerman i ekonomisë Robert Habeck (Të Gjelbërit) bëri gjithçka për ta realizuar atë: në shkurt 2023, zv/kancelari udhëtoi në Suedi për të admiruar kompaninë e baterive Northvolt. Njëqind kilometra në perëndim të Stokholmit, në qytetin e Västertås, ministri gjerman vizitoi të parin nga dy lokacionet e kësaj kompanie, e cila u themelua në vitin 2016 si start-up.
Northvolt ishte menduar të bëhej fabrika më e madhe evropiane për prodhimin e baterive për makina elektrike, dhe është veçanërisht e rëndësishme për Gjermaninë që suedezët planifikonin të ndërtonin një fabrikë në qytetin Heide në provincën e Schleswig-Holstein, e cila do të kishte 3000 vende pune, shkruan Deutsche Welle .
