Në intervistën e djeshme lamtumirës për Radio Televizionin e Serbisë (RTS), Lajçak tha se BE-ja po përgatitet të “fillojë bisedimet në nivelin më të lartë pas zgjedhjeve në Kosovë”.
Përfaqësuesja e re e Lartë e BE-së për Politikën e Jashtme dhe Sigurinë, Kaja Callas, e ka bërë të qartë se do të përfshihet drejtpërdrejt dhe se dëshiron të udhëheqë procesin. Po përgatitet një qëndrim i BE-së, një propozim për të dyja palët, tha Lajçak.
Ai tha se zgjerimi është rikthyer në agjendën e BE-së dhe se është një nga prioritetet e saj sot. Lajçak beson se kriza aktuale politike në Serbi duhet të zgjidhet përmes dialogut ndërmjet aktorëve vendas, duke treguar vullnet të mirë dhe duke respektuar parimet demokratike të shtetit të së drejtës. Ai shprehu besimin se Serbia ka potencial për të zgjidhur problemet dhe për të ecur përpara me forcat e veta.
Lajçak shtoi se pasardhësi i tij, Peter Sorensen, i cili, shtoi ai, është një diplomat me përvojë dhe e njeh mirë Ballkanin, do të jetë aty për të ndihmuar Kaja Callas në këtë çështje.
Sorensen merr detyrën më 1 shkurt dhe mandati i tij do të zgjasë 13 muaj.
