Kryeministri i Izraelit, Benjamin Netanyahu, bashkë me ministrin e Mbrojtjes, Israel Katz kanë urdhëruar shtyrjen e lirimit të burgosurve palestinezë, raporton “BBC”.
Ky vendim erdhi si pasojë e skenave kaotike në Khan Younis, gjatë transferimit të shtatë pengjeve nga Gaza për në Izrael.
Zyra e kryeministrit të Izraelit ka njoftuar se vonesa do të jetë “derisa dalja e sigurt e pengjeve të garantohet gjatë ditëve të ardhshme”.
“Izraeli po kërkon që ndërmjetësuesit ta mundësojnë këtë”, thuhet nga Zyra e kryeministrit izraelit.
Derisa raportet e agjencisë së lajmeve “Reuters” kanë njoftuar se autobusët me të dënuar janë urdhëruar të kthehen mbrapa për te burgjet.
