Ambasadorët e BE-së kanë rënë dakord për një rund të ri sanksionesh ndaj Rusisë, thonë diplomatët e bllokut.
Paketa e 16-të e sanksioneve përfshin një ndalim të importit primar rus të aluminit dhe listimin e 73 anijeve të reja të flotës hije, raporton agjencia e lajmeve Reuters.
Sanksionet do të miratohen zyrtarisht nga ministrat e BE-së të hënën, në përvjetorin e tretë të pushtimit të plotë të Ukrainës nga Moska.
Ndërkohë, të martën, sekretari amerikan i Shtetit, Marco Rubio, ka deklaruar se BE-ja do të duhet të vijë në tryezën e bisedimeve për fundin e luftës në Ukrainë, pasi ajo ka sanksione ndaj Rusisë.
Rubio e ka bërë këtë deklaratë pas takimit mes SHBA-së dhe Rusisë në Riad të Arabisë Saudite të martën.
