Aleanca konservatore e Gjermanisë CDU/CSU, e udhëhequr nga Fridrih Merz, doli fituese në zgjedhjet parlamentare në Gjermani. Ndërsa partia e ekstremit të djathtë, Alternativa për Gjermaninë AfD renditet e dyta, kurse partia e kancelarit Olaf Scholz renditet e treta. Merz tha se synon të krijojë një koalicion qeverisës sa më parë të jetë e mundur.
“Po u them votuesve tanë: faleminderit për besimin që keni vendosur tek ne dhe tek unë personalisht. Jam i vetëdijshëm për përgjegjësinë. Jam gjithashtu i vetëdijshëm për shkallën e detyrës që tani është përpara nesh. I afrohem me respektin më të madh dhe e di se nuk do të jetë e lehtë”, deklaroi Friederich Merz, Aleanca CDU/CSU.
Kancelari i pritshëm i Gjermanisë, tha se do të kërkojë “pavarësi” të sigurisë nga Shtetet e Bashkuara dhe shprehu dyshime për të ardhmen e NATO-s. Nga ana tjetër liderët e AfD-së thanë se janë të lumtur me rezultatin.
“Ne kemi arritur një rezultat të shkëlqyer. Mund të shohim se pothuajse e kemi dyfishuar në krahasim me vitin 2021, që ishte qëllimi ynë kryesor”, tha Hannes Gnauck, AfD.
“Ne jemi një parti kaq e re tani dhe kemi kapur shumë gjatë viteve të fundit, kështu që mund të jemi vërtet të kënaqur dhe mbi të gjitha të lumtur”, tha Mary Khan, AfD.
Pvarësisht se AfD renditet si partia e dytë fituese, ajo pritet të mbetet jashtë pushtetit, pasi të gjitha partitë kanë refuzuar të bashkëpunojnë me të. Dalja në zgjedhje ka qenë 83 për qind, në krahasim me 76.6 për qind në vitin 2021. /Alsat.mk
