Gabimi njerëzor dhe infrastruktura e vjetëruar janë zbuluar nga hetimet, si arsyet kryesore të përplasjes vdekjeprurëse të trenave në Greqi dy vjet më parë.
Raporti prej gati 180 faqesh u publikua të enjten, në prag të një greve të përgjithshme dhe protestave masive të planifikuara për përvjetorin e dytë të tragjedisë së 28 shkurtit 2023.
Komiteti i pavarur hetimor zbuloi se aksidenti ndodhi nga një gabim i një drejtuesi stacioni, i cili dërgoi një tren pasagjerësh në të njëjtat shina me një tren mallrash që po afrohej. Përplasja, e cila shkaktoi 57 viktima; 46 pasagjerë dhe 11 punonjës, ndodhi pranë Tempit, rreth 400 km në veri të kryeqytetit, Athinës.
Hetuesit identifikuan gjithashtu trajnimin e dobët, mungesat e stafit dhe një sistem të vjetër hekurudhor që i mungojnë kontrollet moderne të sigurisë si kontribues në incidentin tragjik.
“Një aksident nuk ndodh rastësisht. Ka akumulim faktorë që kontribuojnë në aksident, sepse njerëzit gjithashtu priren të bëjnë gabime,” tha Christos Papadimitriou, Drejtor i Autoritetit Helen për Hetimin e Sigurisë Ajrore dhe Hekurudhore, grupi përgjegjës për hetimin.
“Sistemi hekurudhor grek nuk ka pasur në 2023, nuk ka as sot,” shtoi ai, duke iu referuar mungesës së shpenzimeve publike për sistemet hekurudhore për shkak të krizës financiare të 2010-18.
Raporti vuri në dukje se nëse do të ekzistonin teknologjitë moderne të sigurisë, një aksident i tillë nuk do të kishte ndodhur.
Qeveria tha se do t’i përgjigjet “mangësisë shumë serioze, mungesës së personelit dhe financimit të pamjaftueshëm”, por shtoi se pretendimet e partive opozitare se ajo kishte penguar hetimin nuk janë të vërteta.
Qeveria po vendos gjithashtu 5,000 oficerë policie për të patrulluar Athinën të premten, pasi demonstratat publike dhe greva e përgjithshme pritet të ndalojnë dhe ndërpresin shërbimet publike dhe aktivitetin tregtar.
