Seanca e jashtëzakonshme nisi me një minutë heshtje për nderim të 59 viktimave.
Kryetari i komunës së Gostivarit, Valbon Limani në fjalën e tij tha se dhimbja është e madhe për tragjedinë e Koçanit, ndërsa uroi që vendi tragjedi të këtilla të mos ketë më kurrë.
Kryesuesi i Këshillit të Gostivarit, Namik Durmishi ka apeluar që edhe qytetarët e Gostivarit të tregojnë solidaritetin e tyre dhe të ndihmojnë edhe ata nëpërmjet formave të ndryshme familjarët e viktimave dhe të lënduarit.
Vjollca Baftiu Zylbehari, këshilltare e BDI ka shprehur ngushëllime në emër të grupit të këshilltarëve të kësaj partie.
Pika ka kaluar me unanimitet votash dhe ishte e vetmja në rend të ditës. Ndryshe, në tragjedinë e 16 marsit në Koçan në diskotekës Pulse jetën e humbën 59 persona të cilët janë varrosur dje, kurse me qindra mbetën të lënduar.
