Dita Ndërkombëtare e Autizmit të shërbejë si ndërgjegjësim edhe për 364 ditët e tjera të vitit dhe jo vetëm për 2 Prill. Ky mesazh u përcoll sot me rastin e shënimit të kësaj dite nga autoritetet lokale dhe drejtuesit e qendrës “Blue Puzzle” në Gostivar. Më e rëndësishme për personat autik është sensibilizimi dhe pranimi i tyre në shoqëri pa mos bërë dallime që do të vëreheshin nga këto persona, pasi rezultati i trajtimit, pastaj është më i lartë, tha me këtë rast kryetari i Komunës së Gostivarit, Valbon Limani i cili dhuroi mjete didaktike në vlerë prej 60 mijë denarë për qendrën “Blue Puzzle”.
“Me rastin e 2 Prillit – Ditës Botërore mbi ndërgjegjësimin mbi autizmin vizituam qendrën për autizëm ‘Blue Puzzle’ ku patëm një bisedë tѱ këndshme me Valonin i cili koordinon këtë qendër. Komuna e Gostivarit simbolikisht në këtë datë do të dhuron mjete didaktike me vlerë prej 60 mijë denarë. Tema e sivjetshme e kësaj dite është ‘Rsepekt, pranim, përfshirje’, prandaj apelojë që ne ti respektojmë personat me autizëm, ti pranojmë si pjesë e përditshmërisë sonë dhe ti integrojmë në shoqëri që edhe ata të jenë pjesë e përdishmërisë tonë”, deklaroi Valbon Limani, kryetar i Komunës së Gostivarit.
Kryetari Limani tha se pasi dita ditës rritet numri i personave për trajtim nga spektri autik, shqyrtohet nevoja për zgjerim të kapaciteteve të qendrës “Blue Puzzle”.
“Kemi disa mundësi dhe ide të cilat i shqyrtuam dhe besoj se së shpejti do të kemi një zgjidhje rreth asaj me të vetmin qëllim që kapacitetet për këta fëmijë të rriten”, deklaroi Valbon Limani, kryetar i Komunës së Gostivarit.
Koordinatoi i qendrës për autizëm “Blue Puzzle”, Valon Emini ka falenderuar autoritetet lokale dhe institucionet në nivel qendrorë dhe donatorët për mbështetjen e deritanishme që i jepet kësaj qendre.
“Shfrytëzojë rastin që ti falenderojë të gjithë donatorët që e kanë përkrahur këtë projekt që nga viti 2021 e deri më sot, komunën e Gostivarit, ministrinë si dhe juve mediave që gjithmonë keni qenë prezent dhe keni mbuluar në apsektin mediatik këto evente”, deklaroi Valon Emini, koordintaor i Qendrës për Autizëm “Blue Puzzle”.
Aktualisht pranë qendrës “Blue Puzzle” janë të angazhuar 17 persona, 10 staf profesional dhe të tjerët janë staf teknik mbështetës dhe bashkëpunëtorë të jashtëm, por pasi numri i rasteve të reja të diagnostikuara rritet, Emini theksoi se kanë nevojë urgjente për resurse njerëzore. Ai thotë se numri i të punësuarve duhet të dyfishohet.
“Zgjerimi i kapaciteteve nuk është aq problem i madh sa që janë burimet njerëzore pasi ne jemi mësuar të shohim se si rregullohen objektet dhe apspekti i infrastrukturës duket mirë, mirëpo objekti vetë pa burime njerëzore nuk mund ta bëjë punën”, deklaroi Valon Emini, koordintaor i Qendrës për Autizëm “Blue Puzzle”.
Emini tha se që nga themelimi i qendrës me 17 maj të vitit 2022 e deri më sot kanë trajtuar mbi 100 fëmijë, ndërsa aktualisht në trajtim kanë 60. Tha se ka shumë histori suksesi të arritura gjatë trajtimit.
“Kemi jo një por shumë histori. Pasi e ruajmë privatësinë e prindërve dhe jetën sociale të tyre, nuk i kemi bërë rastet publike. Kemi fëmijë që nuk kanë qenë aspak funksional, që nuk kanë ditur të flasin, nuk kanë mundur as të ecin, tash janë me funksionim të plotë falsin, përgjigjen”, deklaroi Valon Emini, koordintaor i Qendrës për Autizëm “Blue Puzzle”.
Në qendrën “Blue Puzzle” funksionon edhe shërbimi për vlerësim të fëmijëve dhe të rinjve autik. Ndryshe, siç mëson televizioni Globi, zgjerimi i kësaj qendre mendohet të bëhet me hapësirat pranë saj ku aktualisht funksionon shkolla e muzikës, ndërsa kjo e fundit të transferohet në ndonjë lokacion tjerër, gjegjësisht në Banjicë te ish objekti i Fakultetit të disperzuar të Teknologjisë Ushqimore të UT – së.
