Të paktën 24 palestinezë të tjerë janë vrarë në sulmet ajrore izraelite në Rripin e Gazës, duke e çuar numrin e përgjithshëm të të vdekurve nga lufta gjenocidale e Izraelit që nga tetori i vitit 2023 në të paktën 50.423, transmeton Anadolu.
Ministria e Shëndetësisë me bazë në Gaza njoftoi se 55 persona të tjerë janë plagosur dhe janë transferuar në spitale brenda 24 orëve të fundit, duke e çuar numrin e përgjithshëm të palestinezëve të plagosur nga sulmet izraelite në 114.638.
“Shumë viktima akoma janë të bllokuar nën rrënoja dhe në rrugë pasi shpëtimtarët nuk mund të arrijnë tek ata”, theksoi ministria palestineze.
Më 18 mars, ushtria izraelite nisi një fushatë ajrore të papritur në Rripin e Gazës dhe që atëherë ka vrarë 1.066 njerëz dhe ka plagosur afro 2.600 të tjerë, pavarësisht marrëveshjes së armëpushimit dhe shkëmbimit të të burgosurve që u arrit në muajin janar.
Nëntorin e vitit të kaluar, Gjykata Ndërkombëtare Penale lëshoi urdhër-arreste ndaj kryeministrit izraelit, Benjamin Netanyahu dhe ish-ministrit të Mbrojtjes, Yoav Gallant, duke i akuzuar për krime lufte dhe krime kundër njerëzimit në Gaza.
Izraeli për luftën në enklavën palestineze gjithashtu përballet me një çështje gjenocidi në Gjykatën Ndërkombëtare të Drejtësisë.
