Banorët e fshatit Debresh kanë protestuar paraditën e kësaj të premte para Gjykatës Themelore të Gostivarit. Ata kërkojnë drejtësi për bashkëfshatarin e tyre, Resul Kahrimani i cili u ekzekutua me breshëri plumbash me kallashnikov me 23 korrik të vitit 2024 para derës së shtëpisë së tij në Debresh. Banorët dhe familjarët e 35 vjeçarit Resul Kahrimani, thonë se deri më tani anuluar tre séancë gjyqësore për rastin në fjalë. Në seancën e parë kanë munguar të pandehurit, ndërsa në dy të tjerat gjykatësja e rastit, thotë Fuat Elezi, daja i viktimës. Ai tha se kërkojnë vetëm drejtësi, sepse siç potencoi, prindërit e Resulit janë në gjendje të rëndë spikologjike dhe shëndetësore dhe duan drejtësi për djalin e tyre.
“Dëshirojmë drejtësia të shkone në vend, jemi të vrarë një herë, mos na vrisni për së dyti. Le ta arrijë drejtësinë nëna dhe babai i vetë se edhe ata do të vdesin para kohe. Kjo dhimbje është duke na shkatërruar”, deklaroi Fuat Eelezi, daja i Resul Kahrimanit.
Ata kërkojnë poashtu hetimi i rastit të rikthehet nga fillimi, pasi pos dy vëllezërve të pandehur për vrasjen, thonë se ka edhe persona të tjerë të dyshuar. Poashtu, dyshojnë se vrasja ka pasur edhe porositës.
“Drejtësia të vazhdojë, të fillojë prej kur ka filluar incidenti. A mendoni se ka të përfshirë edhe persona të tjerë? Mendojmë 100 për qind. Prandaj, duhet të kthehet nga fillimi dhe të fillohet me inspektorin kryesorë të policisë, të vijë pastaj në Prokurori dhe pastaj prokurori t’i ndjeke edhe të tjerët pasi porositësit e vrasjes janë në liri”, deklaroi Fuat Eelezi, daja i Resul Kahrimanit.
Ata kanë kërkuar gjyaktësja e rastit dhe avokatja e palës mbrojtëse, të zëvendësohet me të tjerë.
“Gjykatësja një herë na u ndryshua dhe herën e tretë erdhi një gjykatëse tjetër dhe e njejta është nga fshati Zubofcë së bashku me avokatin e palës mbrojtëse. Protestat do të vazhdojnë dhe me siguri dhe do të kërkojmë ndërrimin e asaj avokateje prej kësaj lënde. Nuk do të lejojmë ajo të fitone me gjakun e birit tonë para”, deklaroi Fuat Eelezi, daja i Resul Kahrimanit.
Familjarët kërkojnë ndihmë edhe nga ana e shtetit, pasi siç potencojnë, nuk dëshirojnë konflikte të reja, por vetëm drejtësi.
Ndërkohë, séanca e sotme mbi rastin në fjalë e paralajmëruar për në ora 11 ka filluar dhe të pandehurit janë sjellur në gjykatë, megjithëse epilogu i saj ende nuk dihet.
Ndryshe, Resul Kahrimani u vra me 23 korri të vitit 2024 me armë automatike.
Si autorë të pandehur të krimit, janë vëllezërit J.V. dhe B.V. nga i njëjti fshat. Në momentin e ekzekutimit ata kanë qenë në automjetin e “Volvo” me targa zvicerane. Ata kanë jetuar dhe vepruar në Zvicër. Aktaulisht, familja e dy vëllezëve të pandehur nuk jetojnë në Debresh dhe ndodhen në Zvicër, ndërsa pas vrasjes banorët kërkuan që ata të shpërngulen nga Debreshi.
