Enti Shtetëror për Statistika njofton se në muajin prill janë rritur për 0.1% çmimet e shërbimeve hotelerike.
“Çmimet e shërbimeve të ushqimit në prill të këtij viti u rritën me 0.1 për qind krahasuar me muajin paraprak dhe me 4.4 për qind krahasuar me prillin e vitit të kaluar.
Analizuar sipas grupeve, çmimet në shërbimin e ushqimit, në prill 2025 krahasuar me marsin 2025, u rritën me 0,2 përqind në kategorinë Ushqime, me 0,1 përqind në kategorinë Pije Alkoolike dhe me 0,1 përqind në kategorinë Pije Joalkoolike. Nuk u vu re ndryshim çmimi në grupin e qëndrimeve me natë.
Enti Shtetëror i Statistikës njoftoi se indeksi kumulativ i çmimeve të shërbimeve të hotelerisë në periudhën janar – prill të këtij viti krahasuar me të njëjtën periudhë të vitit të kaluar është 105.8, ndërsa krahasuar me dhjetorin e vitit 2024 është 101.0./Telegrafi/
