Po bëhen përgatitje për transferimin e sistemeve shtesë të mbrojtjes ajrore Patriot në Ukrainë, tha sot Komandanti Suprem i Aleancës së NATO-s, Gjenerali Alexis Grinkevich.
“Përgatitjet janë duke u zhvilluar, ne po punojmë shumë ngushtë me gjermanët për transferimin e Patriot”, tha Grinkevich në një konferencë për shtyp në qytetin gjerman të Wiesbaden, raporton Reuters.
Ai shtoi se sistemet janë urdhëruar të transferohen sa më shpejt të jetë e mundur. Presidenti i SHBA-së, Donald Trump, njoftoi më parë se Uashingtoni do t’i siguronte Ukrainës sisteme Patriot dhe armë të tjera, por theksoi gjithashtu se vendet anëtare të NATO-s duhet t’i blejnë ato së pari.
Disa vende evropiane kanë shprehur gatishmërinë për të blerë armë amerikane për Ukrainën, megjithëse detajet e këtyre marrëveshjeve nuk janë rënë dakord ende.
