Disa persona raportohen të vdekur pas daljes nga shinat të një treni në Gjermani

Disa persona kanë humbur jetën kur një tren pasagjerësh doli nga shinat në jugperëndim të Gjermanisë të dielën, raporton media gjermane, duke cituar burime të sigurisë, shkruan Reuters.

Një zëdhënës i policisë në qytetin e Stuttgart, sipas mediumit, konfirmoi se kishte disa të plagosur ndërmjet rreth 100 personave në bord dhe se të paktën dy vagonë kishin dalë nga shinat pranë qytetit të Riedlingen.

Treni ishte në një udhëtim 90 km (55 milje) mes Sigmaringen dhe Ulm.