Ministria e Punëve të Brendshme gjatë ditës së djeshme (22.08.2022) ka vazhduar me kontrollet e intensifikuara në fushën e trafikut.
Në territorin e qytetit të Shkupit janë shqiptuar gjithsej 133 gjoba, nga të cilat 21 sanksione për drejtim të automjetit mbi shpejtësinë e lejuar, 10 masa për drejtim të automjetit pa patentë shofer, katër për vozitje nën ndikimin e alkoolit.
“Pesë masa janë shqiptuar për automjete të paregjistruara, tetë sanksione për kundërvajtje nga drejtuesit e motoçikletave, gjashtë masa për kalim në sinjalistikë të mbyllur (semafori i kuq), tetë sanksione për moslejimin e rrugës për këmbësorët, katër masa për automjete me defekte teknike në transportin publik”.
“Kontrollet e përforcuara do të vazhdojnë. Apelojmë tek qytetarët që të respektojnë rregullat e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta”, thonë nga MPB Maqedoni.
