Një valë rekord të nxehti ka përfshirë Australinë juglindore për të pestën ditë radhazi, duke shkaktuar zjarre në shkurre dhe ndërprerje të mëdha në rrjetin elektrik.
Vala e të nxehtit është veçanërisht e rëndë në Victoria, shteti i dytë më i populluar i Australisë, i cili po përjeton temperaturat më të larta që nga zjarret e “Së Shtunës së Zezë” të vitit 2009, kur vdiqën 173 persona, raporton Reuters.
Autoritetet thanë se vala e të nxehtit nuk ka gjasa të qetësohet deri në fundjavë.
“Jemi tani në ditën e pestë të një vale të nxehtë intensive në Victoria dhe po fillojmë të shohim efektet. Paralajmërimi për nxehtësi ekstreme mbetet në fuqi dhe presim gjithsej tetë ditë me intensitet të valës së nxehtësisë të rëndë deri në ekstrem”, tha Komisioneri i Emergjencave të Victorias, Tim Wibusch.
Meteorologu i Byrosë Australiane të Meteorologjisë, David Croke, tha se nxehtësia ishte shkaktuar nga ndryshimet klimatike dhe i përshkroi temperaturat si “shumë të pazakonta”.
“Ashpërsia e kësaj vale të nxehti është e krahasueshme me valët e të nxehtit të janarit të viteve 2009 dhe 1939. Të dhënat tregojnë një rritje afatgjatë të frekuencës dhe intensitetit të valëve të të nxehtit, veçanërisht që nga viti 2000 për shkak të ndryshimeve klimatike”, shtoi Croke.
Një sërë rekordesh temperaturash u thyen dje në Victoria, me rreth 20 stacione meteorologjike që regjistruan ose rekorde të të gjitha
