Finlanda nuk do që NATO të vendosë armë bërthamore apo të ngrejë baza ushtarake në territorin e saj edhe nëse vendi do të bëhet anëtar i aleancës. Kështu tha kryeministrja finlandeze Sanna Marin për një të përditshme italiane, në një intervistë të publikuar të enjten. Finlanda dhe Suedia aplikuan për anëtarësim në NATO një ditë më parë, të shtyra nga pushtimi rus i Ukrainës, por përballen me kundërshtinë e turqisë. Marin, në një vizitë në Romë ku u takua me homologun italian Mario Draghi, tha se ajo besonte se gjithcka mund të zgjidhej përmes dialogut. “Unë mendoj se në këtë fazë është e rëndësishme të qëndrojmë të qetë, të flasim me turqinë dhe vendet e tjera anëtare, ti japim përgjigje pikëpyetjeve që mund të ekzistojnë dhe të korrigjojmë cdo keqkuptim”, tha Marin për Corriere della Sera. Ajo shtoi edhe se cështja e vendosjes së armëve bërthamore të NATO-s në Finlandë, apo hapja e bazave ushtarake në vend, nuk ishte pjesë e negociatave të helsinkit për anëtarësim në aleancën perëndimore ushtarake. Edhe Kryeministrja Magdalena Andersson, e Suedisë fqinje, që ashtu si Finlanda po aplikon për NATO ka thënë më herët se vendi i saj nuk do baza të përhershme të NATOs apo armë bërthamore në territorin e saj.
