Sulmues të panjohur morën kontrollin e një hoteli në kryeqytetin e Somalisë, Mogadishu, i cili u parapri nga dy shpërthime makinash dhe të shtëna me armë zjarri, tha policia.
“Dy bomba plasën afër një hoteli. Njëra goditi gardhin pranë hotelit dhe tjetra goditi portën. Ne besojmë se terroristët janë brenda”, tha një oficer i policisë lokale për Reuters.
Dy zyrtarë të inteligjencës konfirmuan gjithashtu incidentin. Grupi terrorist al-Shabaab, i cili është i lidhur me Al-Kaedën, mori përgjegjësinë për sulmin. Deri më tani nuk ka detaje për viktimat, por pas depërtimit në hotel janë dëgjuar edhe shpërthime.
Hoteli në atë zonë është një vend popullor grumbullimi për deputetë dhe zyrtarë qeveritarë.
Sulmi i sotëm është sulmi i parë i madh që kur presidenti Hassan Mohamud mori detyrën në maj.
