Ministri i Punëve të Jashtme të Maqedonisë së Veriut, Bujar Osmani, ka bërë të ditur se vendi i tij do të jetë kryesues i OSBE-së për 12 muaj, duke filluar nga data 1 janar.
Këtë ai e ka bërë të ditur me anë të një statusi në Facebook.
“A e dini se OSBE është organizata më e madhe e sigurisë në botë me 57 shtete që përfaqësojnë 1.3 miliardë njerëz në tre kontinente.”
“Duke filluar nga 1 janari, gjatë 12 muajve të ardhshëm Maqedonia e Veriut do të marrë kryesimin e kësaj organizate të jashtëzakonshme dhe jam i privilegjuar të marr rolin e kryesuesit të OSBE-së me seli në Vienë”, shkruan ai.
