Ministri i Arsimit dhe Shkencës, Jeton Shaqiri sot mori pjesë në promovimin e Abetares së përbashkët mes Kosovës dhe Shqipërisë. Shaqiri gjatë fjalimit të tij para të pranishmëve bëri të ditur se Maqedonia e Veriut ka nisur procedurat dhe se shumë shpejtë e njëjta do të inkorporohet edhe në sistemin arsimorë në vendin tonë.
“Abetarja që sot promovohet mes Shqipërisë dhe Kosovës po ashtu konfirmon nevojën e hapësirave dhe shteteve tjera ku ka shqiptarë që të vijojnë me procesin e futjes në përdorim po të kësaj Abetareje për nxënësit shqiptarë kudo që janë. Dua të ndaj me ju që kemi filluar procedurat në vendin tonë dhe jam i bindur që në periudhën në vijim edhe ne do të përdorim po këtë abetare duke iu dhënë shansin e njëjtë edhe fëmijëve tanë që të mësojnë nga po i njëjti ky libër”, tha mes tjerash Shaqiri.
