FRANKFURT, 14 shtator /ATA-DPA/- Shoqata Gjermane e Industrisë Kimike (VCI), anëtarët e së cilës përfshijnë BASF, një nga prodhuesit më të mëdhenj të kimikateve në botë njoftoi sot se pret që prodhimi në sektor të tkurret me 5,5% këtë vit.
“Vetëm prodhimi i industrisë kimike pritet të bjerë deri në 8,5%”, tha VCI.
“Reduktimi i prodhimit është hapi i parë. Nëse disa aktivitete duhet të mbyllen plotësisht, ato mund të mos fillojnë më kurrë”, tha presidenti i VCI, Christian Kullmann.
Industria kimike dhe farmaceutike, me mbi 473 000 punonjës, është prekur kryesisht nga kriza energjetike, e cila në Gjermani është shkaktuar si mungesë e gazit rus.
Sipas VCI, ky sektor është konsumatori më i madh i gazit në Gjermani, duke përdorur 15% të gazit natyror në dispozicion.
Në tremujorin e dytë të vitit, prodhimi në industrinë kimike dhe farmaceutike ra me 6,4% krahasuar me tremujorin e mëparshëm.
Të ardhurat u rritën me 3,4% (në 64.9 miliardë euro ose 64.9 miliardë dollarë) si rezultat i rritjes së çmimeve. /a.i/
Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.
