Shtresa e trashë e akullit që ka mbuluar një kalim malor zviceran për shekuj do të jetë shkrirë plotësisht brenda pak javësh, thotë një resort skish.
Pas një dimri të thatë, valët e të nxehtit të verës që goditën Evropën kanë qenë katastrofike për akullnajat alpine, të cilat janë shkrirë me një ritëm të përshpejtuar, shkruan Aljazeera.
Kalimi midis akullnajave Scex Rouge dhe Tsanfleuron ka qenë i akullt që nga epoka romake. Por ndërsa të dy akullnajat janë tërhequr, shkëmbi i zhveshur i kreshtës midis të dyjave ka filluar të shfaqet dhe do të jetë plotësisht pa akull para se të përfundojë vera.
“Kryekalimi do të jetë tërësisht në ajër të hapur brenda disa javësh,” tha vendpushimi i skive Glacier 3000 në një deklaratë të enjten.
Ndërsa akulli ishte i trashë rreth 15 metra në vitin 2012, toka nën të do të jetë rishfaqur plotësisht deri në fund të shtatorit.
Kreshta është në një lartësi prej 2,800 metrash në fushën e skive Glacier 3000 dhe në mënyrë efektive shënon kufirin midis kantoneve Vaud dhe Valais në Zvicrën perëndimore.
“Askush nuk ka shkelur këtu për më shumë se 2000 vjet; kjo është shumë prekëse,” tha shefi ekzekutiv i Glacier 3000, Bernhard Tschannen.
© SYRI.net
