Në debatin me ministren e Punës dhe Politikës Sociale Jovana Trençevska dje në temën “Top Tema”, ai theksoi rëndësinë e ruajtjes së marrëdhënieve përmes dialogut social, i cili, sipas tij, është kyç në këtë krizë ekonomike për tejkalimin e problemeve me të cilat ballafaqohen punëtorët.
Njeriu i parë i LSM-së e vlerësoi si perfide lojën e Qeverisë dhe Odës Ekonomike të Maqedonisë së Veriut për të dielën ditë pune në vendet turistike. Sipas tij, ajo kërkesë mund të thellohet, gjegjësisht në të gjithë vendin të kërkohet që e diela të jetë ditë pune ashtu siç ka dashur të bëjë OEMV me iniciativën para Gjykatës Kushtetuese, për të cilën LSM-ja po bën gjithçka në kuadër të kompetencave të saj të mos lejojë që e drejta e punëtorëve të keqpërdoret, dhe Gjykata Kushtetuese përmes raportit e konfirmoi këtë qëndrim të LSM-së.
Ministrja Trençevska në debatin e djeshëm për rritjen e pagave dhe përmirësimin e të drejtave të punës tha se për zbatimin e gjithë kësaj nevojitet miratimi i metodologjisë së re për rritjen e pagave, e cila duhet të vendoset deri në fund të vitit.
Trençevska tha se Qeveria po ndërton një sistem për rritje të vazhdueshme të pagave, ndërsa kryetari i LSM-së Dimovski mendon se kjo duhet të ndodhë sa më shpejt sepse, siç tha ai, shteti nuk do të ketë kujt t’i rrisë pagat sepse punëtorët tashmë janë duke ndërtuar sisteme në shtete të tjera.
Metodologjia nga Qeveria është shpallur që në fillim të vitit dhe është zvarritur me sukses, dhe të ardhurat personale nuk janë të barabarta me pagën minimale, ndërsa shporta e konsumit dhe inflacioni janë rritur në mënyrë drastike muajt e fundit, thuhet në njoftim në faqen e Lidhjes së Sindikatave të Maqedonisë.
Sindikata nuk do të lejojë politikë, populli është i uritur, çmimet e ushqimeve dhe faturat janë të larta, thuhet në njoftim, rritja e pagës minimale prej 9 mijë denarë nga viti 2017 do të mbetet e parëndësishme sepse vlera e shportës minimale sindikale për dhjetorin e vitit 2017 ka qenë 32.316 denarë dhe sot është 48.234 denarë.
