“Një nga qëllimet tona kur bëhet fjalë për Ballkanin Perëndimor, është të punojmë me qeveritë dhe të punojmë me njerëzit e rajonit me synimin për të hequr dhe çrrënjosur korrupsionin”, tha Price për The Pavlovic Today.
Price vuri në dukje se sanksionet janë “një mjet i rëndësishëm” për të trajtuar korrupsionin në Ballkanin Perëndimor.
“Sanksionet do të mbeten një mjet i rëndësishëm, jo mjeti i vetëm, por një mjet i rëndësishëm kur bëhet fjalë për rajonin dhe kur bëhet fjalë për qëllimin tonë, qëllimin që ndajmë me qeveritë dhe njerëzit në rajon për çrrënjosjen e korrupsionit”, shtoi ai.
Departamenti amerikan i Thesarit i ka vënë sanksione Prokurores së Shtetit në Bosnje-Hercegovinë, Diana Kajmakoviq.
Ambasada amerikane në Bosnje Hercegovinë, ka thënë se ka ardhur koha që “Bosnja të pastrojë shtëpinë e vet”.
