Kërcënimi rus është evident për vendet anëtare të NATO-s, të paktën që prej 24 shkurtit, atëherë kur ushtria e Vladimir Putinit sulmoi Ukrainën.
Gjatë javëve të fundit, kërcënimi është rritur edhe më tej, teksa Putin njoftoi një mobilizim të pjesshëm. Në këtë situatë, NATO ka marrë masat për kontrollin tokësor të vendeve anëtare, por edhe nga ajri.
Në një postim të fundit të Aleancës në Instagram thuhet se aleatët janë të përkushtuar të sigurojnë hapësirën ajrore 24 orë në ditë. Ndërkohë, janë publikuar edhe pamje të avionëve hungarezë e çekë që fluturojnë në lindje, mbi Lituani.
